Ambasadori Hill ka thënë se “Serbia nuk e ka për obligim ta njoh Kosovën për t’u anëtarësuar në BE, por ajo duhet t’i normalizojë raportet me Kosovën”.
Një deklaratë e ambasadorit amerikan në Beograd Kristofer Hill, se Serbia nuk e ka obligim ta njoh pavarësinë e Kosovës për ta përmbyllur kapitullin 35 dhe se Serbia nuk duhet ta njoh Kosovën për të hyrë në BE, ka nxitur një zingjirë reagimesh politike në Bruksel e Prishtinë .
Ambasadori Hill ka thënë se “Serbia nuk e ka për obligim ta njoh Kosovën për t’u anëtarësuar në BE, por ajo duhet t’i normalizojë raportet me Kosovën”.
BE, ashtu sikur edhe deri më tani, as të enjten nuk ka reaguar me ndonjë përgjigje rreth njohjes së shtetit të Republikës së Kosovës nga Serbia, për anëtarësim të Serbisë në BE.
Pikëpamjet e BE-së në raport me Kosovën janë të qarta dhe se ky organizëm ndaj statusit të Kosovës mban qëndrim neutral, për shkak të mosnjohjes së Kosovën nga pesëshja evrpiane.
Zëdhënësi i BE-së Peter Stano duke u ndalur tek Kosova dhe deklarata e Ambasadorit Hill, e ka theksuar si të ekuilibruar fajësinë e Kosovës dhe Serbisë për moszbatim të marrveshjeve të deritashme me ndërmjetësimin e BE-së.
I pyetur më në hollësi rreth fajësive konkrete, Stano ka emëruar Serbinë si fajtorin e vetëm për mosrrespektim të vendimeve të pranuara, përsa i përket mospengimit të anëtarësimit të Kosovës në institucione dhe mekanizma ndërkombëtarë.
“Serbia ka shkelur detyrimet e pranuara që të mos e pengojë Kosovën për anëtarësime në organizatat dhe institucionet ndërkombëtare duke e shkelur dhe kjo paraqet shkelje ndërkombëtare …”, ka thënë Stano nga selia e BE-së.
Serbia duhet ta njoh Kosovën , thotë Murati nga Qeveria
Pas deklaratës së Ambasadorit Hill në Beograd se Serbia mund të anëtarësohet në BE pa e njohur Kosovën, dhe pas reagimeve të BE-së, në Prishtinë është deklaruar Ministri i Financave Hekuran Murati , i cili ka kërkuar njohjen nga Serbia , si kusht që Kosova të përmbush agjendat e vëna para saj.
Rreth anëtarësimit të Serbisë në BE me apo pa njohjen e shtetit të Republikës së Kosovë , edhe shtet brenda Quintit mbajnë qëndrime diametralisht të kundërta.
Deklarata të shumta të deputetëve më me ndikim të Bundestagut gjerman, kundërshtojnë anëtarësimin e Serbisë në BE pa e njohur Kosovën, ashtu sikur edhe deputetë britanikë të cilët kërkojnë qëndrime të prera të BE-së ndaj Serbisë që nuk i ka vendosur sanksione Rusisë .
Të ndarë rreth Serbisë janë shumë shtete brenda BE-së ,disa prej të cilave e shohin dhe trajtojnë Serbinë si shtet të krizave në Ballkanin Perëndimore në përpjekje për t’u bashkëngjitur me Republikën Serbe dhe veriun e Kosovës.
